Та манай дэлгүүрээс тэд хүртэл бараа худалдан авч тийм төрлийн сугалаат худалдаанд оролцоорой. Хэрвээ таны аз таарвал та байртай бүүр машинтай болох болно. Таныг азын тэнгэр эвээг. Та ийм төрлийн сурталчилгаа, зар, тараах материал, мэдээ, мэдээлэлтэй өдөр бүр таардаг уу. Би бол өдөр бүр, заримдаа зүүдэндээ хүртэл сонсох шахдаг. Магадгүй та ч мөн адил ийм төрлийн урамшуулалт худалдаатай байнга л таардаг байх. Манай ихэнх худалдааны байгууллагууд, зарим нэг бараа үйлдвэрлэгчид иймэрхүү төрлийн урамшуулалт хөтөлбөрүүдийг маш ихээр бие, биетэйгээ уралдан зарлаж байдаг.Гэхдээ би үүнийг буруу зүйл гэж огт хэлэхгүй. Яахав мэдээж өөрсдийн борлуулалтыг нэмэгдүүлэх, цаашлаад дахин худалдан авалтыг бий болгох гэсэн нэгэн төрлийн урамшуулалт хөтөлбөр. Гэхдээ энэ нь хэр үр дүнтэй арга бол. Би бол үүнийг Монголын нөхцөлд үр дүн муутай, цаг хугацаа алдсан, зардал өндөртэй зүйл л гэж хэлнэ. Тэгээд хамгийн гол алдах зүйл бол хэрэглэгчдийнхээ итгэлийг алдах аюултай. 2008 онд хийгдсэн М.Ю. Ж ХХК – ийн Монгол хэрэглэгчийн зан төлөвийн онцлогийн судалгааны үр дүнгээс харж байхад Монгол хэрэглэгчид ийм төрлийн урамшуулалт хөтөлбөрт төдийлөн ач холбогдол өгдөггүй, үүнээс шалтгаалан дахин болон шинэ худалдан авалтийг хийдэггүй гэсэн дүн гарч байсан. Мөн судалгаанд оролцогчдын 73% нь үүнийг зохион байгуулалттай зүйл байдаг хэмээн үзсэн байна. Энэхүү судалгаанаас харж байхад хэрэглэгчид төдийлөн хүртээлгүй үйл ажиллагаа болдог нь харагдаж байна.
Манай бизнесийн байгууллагын маркетерүүд ийм төрлийн урамшуулалт хөтөлбөрийг зарлахдаа хамгийн түрүүнд манай хэрэглэгчдийн зан төлөв ямар вэ? Юунаас сэтгэл ханамжийг мэдэрдэг гэх мэт зүйлийг сайтар судлах хэрэгтэй болох нь харагдаж байна. Сүүлийн үед Макс, Номин, Эко констракшн, АПУ гэх мэт байгууллагууд ийм төрлийн худалдааг маш ихээр хийж байна. Харин хэрэглэгчид үүнийг зардал үрсэн, хий дэмий зүйл хэмээн үзэж байна. Харин одоо ямар урамшуулалт хөтөлбөр хэрэглэгчдийн зүрх сэтгэлд илүү хүрдэг талаар дотоод болон гадаадын жишээн дээр авч үзье. Дээрх судалгаанаас харж байхад манай хэрэглэгчдийн ихэнх хувь нь бодитой ашиг өгөхүйц урамшуулалд илүү татагдан худалдан авалтыг хийдэг болох нь судалгаанаас харагдаж байсан. Өөрөөр хэлбэл яг тухайн цаг үед тэдний цаг зав, хүсэл сонирхолд нийцсэн урамшуулалд хөтөлбөрүүдэд илүү өртдөг болох нь ажиглагдаж байна. Энэ нь зөвхөн манай орны хэрэглэгчид ч биш улс бүрийн өөр өөрийн гэсэн онцлогтой хэрэглэгчид ийм зүйл дээр нэгдэж байдаг.
Үүнийг дэлхийд алдартай брэнд бүтээгдэхүүнүүд маш сайтар ойлгосон байдаг бөгөөд тэдний зарлаж буй урамшуулал хэрэглэгчдийн бодит нөхцөл байдалтай яг тохирсон хэлбэрээр байдаг. Урмашуулалт хөтөлбөрийн маш олон төрлийн сонгодог жишээнүүд байдаг. Эдгээр дотороос сүүлийн үед маш ихээр хэрэглэгдэх болсон Buy one, get one free (BOGOF or BOGO хэмээн товчилж дууддаг) буюу нэгийг авбал нэг үнэгүй борлуулалтын урамшуулалын талаар авч үзье. Энэ нь ямар ч хэлбэртэй байж болох бөгөөд заавал тухайн худалдаж авсан бараанаас дахин нэгийг өгөх хэлбэр биш байдаг. Хэрэв хэрэглэгч хүсвэл тэд өөр төрлийн бүтээгдэхүүнээс ч сонгох бүрэн боломжтой байдгаараа хэрэглэгчдийн зүрх сэтгэлд хүрч чаддаг.
Энэхүү борлуулалтын урамшуулалт аргыг 1980 оны эхээр Америк улсад хүчээ авч байсан гэж үздэг бол одоог хүртэл энэ зүйл хэрэглэгчдийн зүрх сэтгэл хүрч чаддаг урамшуулал гэдэг нь харагдаж байна. Гэвч энэхүү урамшуулалт хөтөлбөр нь үргэлж дардан замаар явж ирээгүй бөгөөд буруу бодлогогүй маркетерүүдийн хор уршгаар зарагдаагүй барааг шахдаг, бараандаа өндөр үнэ өгч зардаг гэх мэт буруу ойлголтуудыг дагуулсан юм. Энэхүү ойлголтыг эвдэхийн тулд олон ч маркетерүүд , олон ч борлуулалтын урамшуулалыг заралсан байдаг. Ford, McDonald’s, Benz, Penny, Dell гэх мэт олон брэндүүд энэхүүү борлуулалтын урамшуулалыг өөрсдийн маркетингийн үйл ажиллагаанд амжилттай ашиглаж чадсан байдаг.
Монголын нөхцөл энэхүү урамшуулалт хөтөлбөр нь цоо шинэ зүйл биш бөгөөд мөн л олон байгууллагууд өөрсдийн борлуулалтанд туршиж үзсэн байдаг. Харин үнэхээр хэрэглэгчдийн зүрх сэтгэл хүрч чадсан эсэхийг цаг хугацаа л харуулах болно. Дээрх бүгдийг дүгнээд хэлэхэд та борлуулалтын урамшуулалт хөтөлбөрийг зарлах гэж буй бол хамгийн түрүүнд хэрэглэгчдийнхээ ямар үйл ажиллагаанд, хэрхэн өртдөг талаар заавал судалгаа хийж үзэхийг зөвлөж байна. Мөн заавал өөрсдийн өрсөлдөгч байгууллагуудыг дагаж адилхан борлуулалтын урамшуулалыг зарлах шаардлагагүй бөгөөд тэднийг давсан илүү хэрэглэгчдийн зүрх сэтгэл хүрсэн тийм л борлуулалтын урамшуулалтыг зарлах хэрэгтэй. Харин тэр урамшуулалын хонжвор нь саяд нэг тохиолдох машин байх хэрэггүй. Танд амжилт хүсье...
No comments:
Post a Comment